भिडियो प्रकरणया बारे माओवादीं पत्रकार सम्मेलन याइगु
प्रधानमन्त्री व एकीकृत माओवादीया अध्यक्ष पुष्पकमल दाहाल प्रचण्डं म्हिग संचारमाध्यम मार्फत सार्वजनीक जूगु थःगु भिडियो टेपया बारे संचारमाध्यम पाखें हे लिस: बीगु धासें भिडियो प्रकरणया बारे पत्रकार सम्मेलन याना जानाकारी बीगु खँ धयादीगु दु ।
बुधवाः सुथय् बालुवाटारय् नागरिक समाजया प्रतिनिधित नापलायेगु झ्वलय् वयेकलं थ्व खँ धयादीगु खः । नागरिक समाजया प्रतिनिधितय्सं सार्वजनिक जूगु भिडियो नं जनतातय् त्रास ब्वलंकूगु धासें प्रधानमन्त्री दाहालया ध्यानाकर्षण याःगु खः ।
माओवादी भिडियो प्रकरणया बारे थौं न्हिनय् प्यताः ईलय् संविधानसभा दलया ज्याकूथी पत्रकार सम्मेलन याइगु जूगु दु । माओवादी जनसेनाया स्वंगू डिभिजनं २०६४ साल पुस १८ गते कमाण्डरतय्त गोप्य प्रशिक्षण भेलाय् दाहालं संवोधन याःगु भिडियो संचारमाध्यमय् सार्वजनिक जुइवं उकीया बारे चर्चा जुयाच्वंगु ईलय् नागरिक समाजया प्रतिनिधितय्सं प्रधानमन्त्री प्रचण्डया ध्यानाकार्षण याःगु खः ।
