राष्ट्रिय सहमतिया सरकार गठन जुइमा : यादव

मधेशी जनअधिकार फोरमया अध्यक्ष व परराष्ट्र मन्त्री उपेन्द्र यादवं सहमतिया आधारय् राष्ट्रिय सरकार गठन जुइमाःगु खँ धयादीगु दु ।

असंलग्न राष्ट्रतय् सम्मेलनय् ब्वति कयाः बुधवाः देय् लिहाझायादिम्ह यादवं त्रिभुवन अन्तर्राष्ट्रिय विमानस्थलय् पत्रकारत नाप खँल्हानादिसें थःगु पार्टीं नेतृत्वया निंतिं दाबी मयाइगु धासें सहमतिया आधारय् न्ह्याम्हेसिंया नेतृत्वय् सरकार गठन जुसां फोरमं समर्थन याइ धयादिल ।

न्हूगु सरकार गठनया निंतिं संविधानसभाय् प्यंगूगु तःधंगु दल फोरमया न्हूगु सरकार गठन प्रक्रिया तःधंगु भुमिका दइगुलिं सकिसंया मिखाः फोरमया आधिकारीक निर्णयय् केन्द्रित जुयाच्वंगु दु ।