राजनीतिक संकटया बारे प्रचण्ड-खनाल खँल्हाबंला

प्रधानमन्त्री पुष्पकमल दाहाल प्रचण्ड व एमाले अध्यक्ष झलनाथ खनाल दथुइ देशय् जुयाच्वंगु राजनीतिक संकट व न्हूगु सरकार गठनया बारे सहलह जूगु दु ।

बुधवाः खनाल निवास डल्लुइ जूगु खँल्हाबंलाय् न्हूगु सरकार राष्ट्रिय सहमतिया आधारय् यायेमाःगु विषयलय् खँ जूगु खः । लिपांगु ईलय् निगू दल दथुइ खनेदुगु मतभेद व तिक्ततायात अन्त्य यानाः न्ह्याः वनेगु सहमति जूगु दु । अथेहे निम्ह नेतात दथुइ व्यवस्थापिका संसद सुचारु यायेगु खँय् नं खँ जूगु खः ।

खँल्हाबंला लिपाः एमाले अध्यक्ष खनालं प्रधानमन्त्री आक्रोसित व चिन्तित खनेदुगु धासें प्रधानमन्त्री प्रचण्डं राष्ट्रपितं थःगु असंवैधानिक पलाः भिंकेमाःगु थःपिनि छगू जक माग जूगु व अथे जुसाः माओवादीं न्हूगु राष्ट्रिय सहमतिया सरकारयात ग्वहालि याइ धयादिल ।