थौं संविधानसभा व संसदया बैठक

येँ (सन्ध्या टाइम्स)/थौं संविधानसभा व व्यवस्थापिका संसदया बैठक नाप नापं च्वनीगु जूगु दु। सनिलया ३ ताः इलंनिसें संविधानसभाया बैठक अले बाघौ लिपा साढे ३ बजेनिसें हे व्यवस्थापिका संसदया बैठक च्वनीगु जूगु दु। न्हूबानेश्वरया संविधानसभाया भवनय् च्वनीगु उगु बैठकया झ्वलय् संविधानसभाया बैठकय् न्हापां संविधानसभाया नियमावली संशोधनया प्रस्ताव अले संसदया नियमावली संशोधन प्रस्ताव यंकी धाःगु दु। संविधानसभाया विषयगत समितिइ विवाद जूगु नापं २८ दलय् सहमति मजूगु विषययात गथे खः अथे हे संवैधानिक समितिइ छ्वयेत नापं मतदानया आधारय् निर्णय यायेत नियमावली संशोधन यायेत्यंगु खः। संविधानसभाया बैठक क्वचाये धुनेवं हे संसदया बैठकय् नं प्रधानमन्त्री निर्वाचन सम्वन्धी संशोधनया प्रस्ताव यंकी धाःगु दु ।