स्वंगू दलया प्रस्ताव २८ दलपाखें अनुमोदन
येँ (सन्ध्या टाइम्स)/चुनावय् ब्वति काइगु फुक्क दल हे राष्ट्रिय दलया मान्यता बीगु ततःधंगु स्वंगू दलं थौं २८ दलया बैठकय् तःगु प्रस्तावयात अनुमोदन याःगु दु। सिंहदरवारय् थौं सुथय् च्वंगु २८ दलया बैठकं अथे प्रस्तावयात अनुमोदन याःगु खः। अथे हे नेपाःया राष्ट्रिय ध्वाँय् नं महिलेगु प्रस्तावयात नं थौं २८ दलं अनुमोदन याःगु दु ।
एकीकृत माओवादी, नेपाली कांग्रेस व एमालेया शीर्ष नेतातय् दथुइ आवंलि चुनावय् ब्वति काइगु फुक्क दलयात राष्ट्रिय पार्टीया मान्यता बीगु नापं नेपाःया राष्ट्रिय ध्वाँय्यात जनयुद्ध, जनआन्दोलन व मधेस आन्दोलनं वःगु उपलब्धियात ल्वयेक ब्याख्या यायेगु धकाः सहमति जूगु खःसा वहे प्रस्ताव थौंया २८ दलया बैठकय् तया अनुमोदन याःगु खः ।
