भिडियो प्रचार सुनियोजित : भट्टराई
अर्थमन्त्री व एकीकृत नेकपा (माओवादी)या वरिष्ठ नेता डा. बाबुराम भट्टराईं म्हिग ईमेज च्यानल मार्फत सार्वजनीक जूगु भिडियो सुनियोजित जूगु धयादीगु दु । वयेकलं राष्ट्रपतिया असंवैधानिक पलाःयात ओझेलय् लाकेगु व जनताय् भ्रम लाकेगु निंतिं प्रायोजित कथं माओवादीया भिडियो टेप प्रचारय् हःगु द्वपं बियादीगु दु ।
क्रान्तिकारी पत्रकार संघ भेरी-कर्णाली राज्य समितिं बुधवाः सुर्खेतय् याःगु पत्रकार सम्मेलाय् वयेकलं माओवादीं निर्वाचन न्ह्यः न्ववाःगु खँयात आः प्रचारय् हःगु धइगु थःगु अपराध सुस्केगु छुं दलतय्गु चालबाजी जक जूगु टिप्पणी यानादिल ।
न्हूगु सरकार गठन बारे संचारकर्मीतय्सं न्यंगू न्ह्यसलय् वयेकलं राष्ट्रपितं थःगु पलाः मिभंकू तल्ले व प्रधानसेनापति रुक्मांग कटवालयात वर्खास्त मयातल्ले सरकार गठनया कल्पना तकं याये मफइगु धयादिल । विद्यमान राजनीतिक संकट अग्रगमनकारी व प्रतिगमनकारी दथुइया द्वन्द्व जूगुलिं संवैधानिक विवाद मिलेमजु तल्ले मेगू छुं नं प्रकृया न्ह्या वनेमफइगु खँ वयेकलं धयादिल ।
नेता भट्टराई नं राष्ट्रपितं थःगु पलाः मिभंकूसाः वयेकयात नं पुलाम्ह जुजु ज्ञानेन्द्रया हालतय् थ्यंकेगु चेतावनी बियादिल ।
इमेज च्यानलपाखें प्रसारण जूगु भिडियो
