निगू संस्थायात बुद्ध मूर्ति दान

येँ (सन्ध्या टाइम्स)/देशय् दुने व देशं पिनेया थीथी विहारय् गुलुपाः दान याना वया च्वनादीम्ह दाता भाजु जीवरत्न स्थापितसं वंगु मंगलवाः छगू ज्याझ्वःया दथुइ निगू संस्थायात निगू आकर्षक बुद्ध मूर्ति दान यानादिल। वय्कलं ख्वपया श्री गरुड मण्डल सुधार समिति व रुपन्देहीया देवदह संरक्षण प्रतिष्ठानयात उगु मूर्ति दान यानादीगु खः। रुपन्देही यंकूगु मूर्ति देवदह गाविसय् च्वंगु बुद्ध पार्कय् मायादेवी देगलय् तइगु खँ धाःगु दु ।

भाजु स्थापितं थःगु ७३ दँ बुन्हिया लसताय् परित्राण पाठ यासें उगु मूर्ति नं लःल्हानादीगु खः ।