नेवि संघ भंग यायेगु सिफारिस
येँ (सन्ध्या टाइम्स)/विवाद समाधान यायेत गुलि कुतः यानाः नं समाधान याये मफुसेंलिं अन्ततः नेपाली कांग्रेसं थः भ्रातृ संगठन नेवि संघ भंग याइगु जूगु दु। विवाद समाधान यायेत पार्टीं गठन याःगु समितिं आः नेवि संघया वर्तमान कार्यसमिति भंग यायेत सिफारिस याःगु खःसा उगु सिफारिस कथं पार्टीं कार्यसमिति भंग यायेत्यंगु खँ धाःगु दु ।
पार्टीं नेवि संघ विवाद ज्यंकेत महामन्त्री प्रकाशमान सिंह व केन्द्रीय दुजः बलबहादुर केसीया समिति गठन याःगु खः ।
नेवि संघया कार्यसमिति भंग यायेगु बारे समितिं संघया थीथी पुलांपिं अध्यक्षतय्के न्यनेकने याःबलय् अप्वःसिनं कार्यसमिति भंग यायेमाःगु सुझाव बिउगु खः ।
तर देउपा पक्षधर वर्तमान उपाध्यक्ष नैनसिंह महरा लगायतया दुजःतय्सं धाःसा नेवि संघया महाधिवेशन यानाः जक न्हूगु कार्यसमिति गठन यायेमाःगु माग याःगु दु। नेविं सघंया महाधिवेशन नं विवादं यानाः याये मफयाच्वंगु दु। संघया महाधिवेशन यायेगु म्याद नं दत्या पुले धुंकूगु दु। देउवां पक्षं आः जुइगु स्ववियु चुनावय् पार्टीया संस्थापन पक्षं थः यःपिं मनूतय्त जक टिकट बीगु षडयन्त्र कथं चुनाव न्ह्यःने वयाः कार्यसमिति भंग यायेत्यंगु खः धकाः द्वपं बिउगु दु ।
