हाय हाय रे नेकपा एमाले
प्रधानसेनापति चीकेगु थ्व प्रकरणय् दकलय् अजू चायापुगु पार्टी जुयाः पिहां वःगु धइगु एमाले हे खः । कटवालयात कारवाही याःसां जिउ धकाः सुझाव बिउम्ह एमालेया अध्यक्ष झलनाथ खनाल हे खः । जब वहे सुझाव कथं कटवालयात कारवाही जुल एमालें उकिया विरोध यात । प्रधानमन्त्री ला फँसे धकाःसा जुल ।
कटवाल चीकेगु निर्णय जुइवं एमालें थःगु हे ज्याकू बल्खुइ छगू सर्वदलीय बैठक सःतल । १८ गू दल दुथ्याःगु उगु सर्वदलीय बैठकं बहनी तुं शितल निवास वनाः राष्ट्रपतियात छगू पौ बिल गुकी धयातःगु दु कि प्रधानमन्त्रीं याःगु ज्या असंवैधानिक जूगुिलं पने माल । राष्ट्रपितं तप्यंक हे कटवालयात पौ च्वयाः उगु ज्या पना बिल । आः पनेधुंकाः वहे एमालेया सभासद्तय्सं धयाहःगु दु राष्ट्रपितं याःगु ज्या अवैध खः । एमालेया पहः खनाः प्रचण्ड जक मखु डा। यादव नं अजूचाः जुइमाः ।
राष्ट्रपितं कटवाल-यात छ्वःगु पौया मस्यौदा वास्तवय् वकुन्हु १८ दल शितल निवास थ्यने न्ह्यः हे तयार याना तयेधुंकूगु खः । उगु ड्राफ्टय् एमाले नेता केपी ओली व विद्या भण्डारीं हे सामान्य संशोधन याना बिउगु खःसा वयां लिपा जक पौ कटवालयात बिउगु खः । अबलय् १८ दलय् दुथ्याःिपं मेगु दलया छुं नेतातय्सं पौया फोटोकपी छपाः थःिपंत नं माल धकाः फ्वंगु खःसां राष्ट्रपितं गोप्य धकाः मबिउगु खः । राष्ट्रपितं १८ दलया पौया लिधंसाय् हे कटवालयात पौ च्वया छ्वःगु खः ।
