'गुलि यः' पिदन
यल (सन्ध्या टाइम्स)/लुँझ्याः कला कुञ्जपाखें पिथंगु 'गुलि यः' भीसीडी छगू ज्याझ्वःया दथुइ विमोचन जुल।
राजु महर्जनं निर्माण यानादीगु उगु भीसीडी संस्कृतिविद् सत्यमोहन जोशी सभासद् रामकृष्ण चित्रकारं मंकाः कथं विमोचन यानादीगु खः ।
ज्याझ्वलय् न्ववासें सभासद् चित्रकारं साहित्य, कला व संस्कृति मदुगु देशं विश्वय् थःगु छुं हे म्हसीका बी फइ मखु धयादिल ।
लुँझ्याः कला कुञ्जया नायः विनेभानन्द वैद्यया सभापतित्वय् जूगु उगु ज्याझ्वलय् भीसीडी पिकायेत ग्वाहालि यानादीपिं सकलें दाता व कलाकारपिंत सुभाय्पौ लःल्हायेगु ज्या नं जूगु खः ।
मुक्कं च्यापु म्येँ दुथ्याःगु उगु भीसीडीया निर्देशन स्वतन्त्र संसार महर्जनं यानादीगु खः। उकी राजु महर्जन, तीर्थ अवाले, ज्ञानिशोभा महर्जन, रुपेन्द्र श्रेष्ठपिं कलाकार कथं दुथ्याः। ज्याझ्वलय् ज्यापु समाज यलया मंगल महर्जन, सिने पत्रकार विजयरत्न असंबरेपिंसं नं न्ववानादीगु खः ।
