आः तक छम्ह हे प्रधानमन्त्री पूरा टिके मजू
थ्व आःया जक खँ मखु । २००७ सालय् नेपालय् जब प्रजातन्त्र वल व धुंकाः शासन- सत्ताय् गुलि नं प्रधानमन्त्रीत वल उिपं मध्यय् छम्हेस्यां हे पूरा कार्यकाल ज्या याये मखं । ०७ सालंनिसें शुरु जूगु थ्व क्रम थौं संघीय गणतन्त्र नेपाःया न्हापांम्ह प्रधानमन्त्री पुष्पकमल दाहालया इलय् तकं कायम हे जुल ।
२००७ सालय् राणाशासन मदयेधुनेवं मोहन शम्सेरया अध्यक्षताय् न्हापांगु नागरिक सरकार गठन याःगु खः । थ्व सरकारं पूरा कार्यकाल ज्या याये मफुत । वयां लिपा मातृकाप्रसाद कोइरालाया सरकार वल व नं पूरा कार्यकाल टिके मजू ।
अनं लिपा चुनाव जुयाः वीपी कोइरालां न्हापांगु निर्वाचित सरकार गठन यात । तर छुं ई लिपा हे जुजु महेन्द्रं कू यानाः वय्कःयात हे कुना बिल । थ्व धुंकाः जुजुया प्रत्यक्ष शासन शुरु जुयाः डा। तुल्सी गिरी सूर्यबहादुर थापा लोकेन्द्र बहादुर चन्द मरिचमान िसं श्रेष्ठ आदि यक्व हे प्रधानमन्त्रीत वल तर उिपं नं सुं छम्ह हे राष्ट्रिय पाचायतया पूर्णकाल तक टिके मजू ।
२०४६ सालय् पाचायत हे हटे जुल । चुनावपाखें न्हापांगु जनताया सरकार गठन जुल गिरिजाप्रसाद कोइरालाया नेतृत्वय् । तर व सर-कार आपसी कवचनं यानाः दथुइ हे क्वःदल । वयां लिपा मनमोहन अधिकारी शेरबहादुर देउवा सूर्यबहादुर थापा लोकेन्द्रबहादुर चन्द कृष्णप्रसाद भट्टराईपिनिगु सरकार गठन जुल तर पूरा कार्यकाल टिके मजू ।
दथुइ छझाः जुजुं शासन कयाः थःहे सरकार प्रमुख जुयाः नं ज्या यात । तर वं नं पूरा कार्यकाल ज्या याये मखं । आः राजतन्त्र हे हटे जुयाः न्हापांगु गण- तान्त्रिक सरकारया नेतृत्व यासें माओवादीया अध्यक्ष प्रचण्ड प्रधानमन्त्री जूगु दु । तर थ्व नं गठन जूगु गुला हे मदुनिवं क्वःदल । शायद स्थिर सरकार स्वयेगु भाग्य हे मदुगु जकं खः ला नेपाली जनताया
