राष्ट्रपति पाखें सहमतिय सरकारया निंतिं आव्हान

राष्ट्रपति डा. रामवरण यादवं सहमतिय सरकार गठन यायेत राजनीतिक दलतय्त आव्हान यानादीगु दु ।

राष्ट्रपति यादवं अन्तरिम संविधानया धारा ३८ (१) कथं सहमतिय सरकार गठन यायेत आव्हान यानादीगु खः । वइगु माघ ७ गते तक राजनीतिक दलतय्सं सहमतिय सरकार गठन यायेमफुसाः राष्ट्रपति यादवं संसदयात संविधानया धारा ३८ (२) बमोजिम बहुमतीय सरकार गठन यायेत पौ छ्वयादी ।

थ्वस्वयां न्ह्यः नं राष्ट्रपतिं सहमतिय सरकार निर्माण यायेत आव्हान याःगु खःसां सहमति जुइमफेवं बहुमतीय प्रक्रियाय् वंगु खः । तर बहुमतीय प्रणालीलय् नं दलत तटस्थ च्वनाः बहुमत खाकेमफेवं हानं सहमतिय प्रक्रियाया निंतिं राष्ट्रपतिं आव्हान यानादीगु खः ।