स्वंगू बुँदे सहमति पाखें 'आइसब्रेक' : प्रचण्ड
एकीकृत नेकपा (माओवादी)या नायः पुष्पकमल दाहाल 'प्रचण्डं' सरकार व माओवादी दथुइ जूगु स्वंगू बुँदा सहमतियात 'आइसब्रेक'या संज्ञा बियादीगु दु ।
येँय् थौं जूगु छगू ज्याझ्वलय् नायः प्रचण्डं अनिश्चयया भुमरीलय् लानाच्वंगु नेपाली राजनीतिलय् स्वंगू बुँदे सहमितं 'आइसब्रेक' याःगु धयादिल । वय्कलं थुगु सहमति पाखें न्हूगु प्रक्रिया सुरु जूगु दावी नं धयादिल ।
यथास्थिति तत्व व प्रवृति अझ नं ल्यं दनीगु धासें प्रचण्डं आःया मू हाथ्य हे थंज्याःगु तत्व व प्रवृतिया सामना यायेगु जुइगु धयादिल । वय्कलं थुकीया समना यायेत दक्वं साहित्यकार, कलाकार, संगीतकर्मी लगायत सकल सर्जकतय्त इनाप यानादिल ।
अथेहे वय्कलं उच्चस्तरीय राजनीतिक संयन्त्रं उत्सहापूर्वक संविधान निर्माणया ज्या याःगु धासें उगु हे गतिलय् संविधान च्वयेगु ज्या जूसाः इलय् हे न्हूगु संविधान निर्माण जुइगु दावी यानादिल ।
