कंसाकारया रिटय् अन्तरिम आदेश म्वाःगु फैसला

भ्रष्टाचारया द्वपं लानाच्वंम्ह नेपाल वायु सेवा निगमया कार्यकारी नायः सुगतरत्न कंसाकारं अख्तियार दुरुपयोग अनुसन्धान आयोगया निर्णय विरुद्ध दायर याःगु रिटय् सर्वोच्च अदालतं अन्तरिम आदेश जारी यायेम्वाःगु फैसला याःगु दु ।

कंसाकारं अख्तियारया निर्णय व विशेष अदालतं न्ह्याकूगु मुद्दा बदर यायेमाःगु माग यासें तःगु रिटय् सर्वोच्चं अन्तरिम आदेश जारी यायेम्वाःगु फैसला न्यंकूगु खः । सर्वोच्चया थुगु फैसला नापं आः कंसाकार लगायत अख्तियारं भ्रष्टाचारया मुद्दा दयार याःपिं फुक्कसिनं विशेष अदालतय् वयाः बयान बी माःगु दु ।

अख्तियारं जहाज न्ययेगु प्रक्रियाय् न्यागू करोड, ७३ लख व ७५ हजार भ्रष्टाचार याःगु ठहर यासें वंगु पुस ९ गते विशेष अदालतय् मुद्दा दायर याःगु खः ।