सरकारय् च्वनाः मखु आः सतकय् च्वनाः

गुगु ज्या सरकारय् च्वनाः याये मफुगु खः आः व सतकय् च्वनाः यायेगु जुइ ।

प्रधानमन्त्री पुष्पकमल दाहाल ुप्रचण्डंु म्हिगः यानादीगु संवोधनय् थ्व खँ धयातःगु ला मदु । तर संवोधनया सार धाःसा थ्वहे

खः । प्रधानसेनापति रुक्मांगद कटवालयात चीकेगु ज्या माओवादीं सरकारय् च्वनाः ला याये हे मफुत । आः सतकय् च्वनाः कटवाल चीकेगु आन्दोलन माओवादीं यायेफु । माओवादी आन्दोलनया त्वह कटवालयात चीकेगु खःसां थुकिया निशाना धाःसा आः राष्ट्रपति डा। रामवरण यादव जुइगु निश्चित दु । माओवादीं थः कार्यकर्तातय्त राष्ट्रपति यादव विरुद्ध आन्दोलनया ग्वःफय् सिर्जना या धकाः निर्देशन बीधुंकूगु दु । आः थ्व ग्वःफय् नं याकनं हे वइ । थ्व न्हापा थें हलुका नं जुइ मखु । सरकारया सम्पूर्ण संयन्त्र छ्यलाः नं याये मफुगु ज्या सतकं यायेगु धकाः माओवादीं गुगु प्रतिज्ञा याःगु खः उिकं नं उिपं आः देशय् गुलि रेक्टर स्केलया भुखाय् ब्वयेकेगु तयारीइ वनाच्वन धइगु खँया स्पष्ट छनक बिउ ।

माओवादीं सरकारपाखें बिउगु थ्व राजीनामां यानाः वयात ुरणभूमिइ बूसां युद्ध धाःसा त्याःगु अवस्थाय् थ्यंका बिउगु दु । म्हिगः सुथय् तक नं माओवादीं मेिपं राज-नीतिक पार्टीतय्त फुसा अविश्वासया प्रस्ताव दर्ता यानाः क्यँ धकाः हाथ्या बिया जूगु खः । तर न्हिनय् १ बजे च्वंगु मन्त्रिपरिषद् बैठकं आकाझाकां राजीनामाया निर्णय यात । ३ बजे ला उकिया घोषणा हे जुइधुंकल । माओवादीया थ्व राजीनामा सकस्यां िनंितं ुअनपेक्षितु खः ।

प्रधानमन्त्री प्रचण्डया म्हिगःया १३ मिनेट ताःहाकःगु संवोधनय् थःिपंसं न्ह्याक्व हे कुतः यानासां सरकारय् ज्या याके मबिउगु व अथे ज्या याके मबिउगुया लिउने विदेशी शक्तिया ल्हाः दुगु द्वपं बियातःगु दु । संवोधनय् गुगुं नं देशया नां ला कयातःगु मदु अय्नं प्रधानमन्त्री प्रचण्डया थ्व धापू गुखे केन्द्रित धइगु खँ धाःसा प्रस्ट हे जू । वय्कलं स्पष्ट हे भासं ुसत्ताया लािगं गुगुं नं विदेशी शक्तिया न्ह्यःने पुिलं चुइ मखु धकाः घोषणा यानादीगु खः ।

संवोधनय् फुक्क खँ उल्लेख यानाः नं थःिपं सरकारं पिहां वंसां शान्ति सम्झौतायात पालना याये व न्हूगु संविधान दयेकेगु ज्याय् प्रतिबद्ध जुइ धइगु खँग्वः धाःसा गनं नं प्रयोग जुयाच्वंगु खने मदु । थुिकं यानाः गनं माओवादी आः शान्ति प्रकि्रयां पिहां वनीगु जकं खः ला धइगु शंका पिहां वःगु दु । माओवादीं सरकार ला त्वःतल तर सरकार त्वःतेधुंकाःया वयागु राज- नीतिक ुमूभु छु जुइगु खः व आः तक स्पष्ट मजूनिगु कारणं अनेक आशंकां थाय् कया हःगु दु । थःहे सरकारय् दुबलय् ला ततःधंगु बबन्डर यानाः सरकारयात वाथावाथा कंकीिपं माओ-वादीया वाईसीएल कार्यकर्तातय्सं आः झन् गज्याःगु ताण्डव क्यनीगु खः आः ला झीसं उकिया अनुमान जक याये फइ । माओवादी कार्यकर्तातय्सं थथे या हे याइ धइगु ग्यारेन्टी दुगुिलं हे जुइमाः म्हिगःनिसें देय्या फुक्क हे शहर त्रासमय वातावरणय् प्रवेश जूगु दु । राष्ट्रपति यादव धापासीया निवासं राष्ट्रपति भवनय् हे सरे जूगु ठीक नं जुल । मखुसा कन्हय्निसें वय्कःया गाडी सतकय् खंके तक नं मजीगु अवस्था वइगु खः ।

सरकार त्वःतेधुंकाः आः माओवादीं थःपिनि लडाइँ सतक व सदनय् जुइ धकाः स्पष्ट यायेधुंकूगु दु । आः न्ह्यागु हे पार्टीया सरकार वःसां माओवादीं न्ह्याकीगु आन्दोलनया खुसिबालं वयात ईई पंका बीगु धाःसा निश्चित दु ।