प्रहरीं दायाः सीगु विरोधय् प्रदर्शन

येँ (सन्ध्या टाइम्स)/धनुषाया सीमावर्ती प्रहरी चौकी बहुअर्वाया प्रहरीं दायाः छम्ह मनू सीगु विरोधय् थौं जनकपुरय् प्रदर्शन जुल। म्हिगः अनया रामपुरया १८ दँ दुम्ह शम्भु पासवानयात प्रहरीं दायाः सीगु विरोधय् स्थानीय मनूत नापं मदुम्ह पासवानया थःथितिपिंसं थौं सुथंनिसें जनकपुरय् प्रदर्शन यानाच्वंगु खःसा उकियात पनेत प्रहरीं अश्रुग्याँस व लाठीचार्ज नापं याःगु दु ।