कन्हय् घ्यःचाकु संल्हू

येँ (सन्ध्या टाइम्स)/नेवाःतय्सं दँय्दसं सूर्यमास कथं माघ १ गते हनीगु घ्यःचाकु संल्हू कन्हय् नखः न्यायेकीगु जूगु दु। घ्यःचाकु संल्हू कुन्हु घ्यः चाकु, तरुल, पलःचा, हाम्वः नयेगु चलन दु। अथे हे थारूतय्सं कन्हय् माघी नखः हनी। थ्व उमिगु मोहनि स्वयां तःधंगु नखः खः। मगःतय्सं नं थःगु हे कथं थ्व नखः हनी।कन्हय् ख्वपया तौमधिइ हाम्वःद्यः पुज्याइसा यलया अगिंमथय् मेला थें जुइ ।