औपचारिक रुपं नेपाल पर्यटन दँ २०११ सुरु
नेपाल पर्यटन दँ २०११ छगू औपचारिक ज्याझ्वःया दथुइ थौं सुरु जूगु दु । येँया त्रिपुरेश्वर स्थित दशरथ रंगशालाय् राष्ट्रपति डा. रामवरण यादवं पर्यटन दँ २०११ औपचारिक रुपं सुरु जूगु घोषणा यानादीगु खः ।
'पर्यटनया निंतिं नापनापं' धइगु मू नारा थ्वयेकाः सुरु जूगु पर्यटन दँ ज्याझ्वलय् प्रधानमन्त्री माधवकुमार नेपालं नेपाःया झण्डोत्तोलन यानादीगु खःसा सेना, प्रहरी, कासामि, विद्यार्थी नापं कलाकारतय्सं सांस्कृति ज्याझ्वः न्ह्यब्वःगु खः ।
ज्याझ्वःया दथुइ हेलिकप्टरं पुष्पबृष्टि याःगु खः । उगु ज्याझ्वलय् संयुक्त राष्ट्रसंघीय विश्व पर्यटन संगठनया मूछ्याञ्जे, सार्क देय्या पर्यटन मन्त्रीत व थीथी पर्यटन सम्बन्धित मनूतय् उपस्थिति दुगु खः ।
तत्कालीन एनेकपा (माओवादी) नेतृत्वया सरकारं झिगू लख पर्यटकत दुथ्याकेगु महत्वाकांक्षी लक्ष्य सहित २०११यात पर्यटन दँ घोषणा याःगु खः ।
