अनमिनया विकल्पबारे सरकार व माओवादीदथुइ सहलह

सहलह सकारात्मक जुल : प्रचण्ड

अनमिनया बहिगर्मनलिपाया विकल्पबारे सरकार व एकीकृत नेकपा माओवादीदथुइ थौं सहलह जूगु दु । येँया होटल र्‍याडिसनय् जूगु सहलहसं जनसेना व ल्वाभःया अनुगमन याइगु निकाययाबारे सहसह जूगु व सहलह सकारात्मक दुगु माओवादी नायः पुष्पकमल दाहाल 'प्रचण्डं' जानकारी बियादिल । थुकियाबारे थौं हे न्हिनय् हाकनं सहलह जुइगु वय्कलं जानकारी बियादीगु दु ।

सहलहसं सरकारयापाखें प्रधानमन्त्री माधबकुमार नेपाल, गृहमन्त्री भीम रावल व एमाले मू छ्याञ्जे ईश्वर पोख्रेल लगायतपिनिगु ब्वति दुगु खः । थुकथं हे माओवादीयापाखें नायः प्रचण्ड, बरिष्ट न्वकु मोहन वैद्य 'किरण' व सैन्य विभाग इन्चार्ज वर्षमान पुन 'अनन्त'या ब्वति दुगु खः ।