पौडेलया उम्मेदवारी लितकाल

प्रधानमन्त्री निर्वाचनया याकः उम्मेदवार रामचन्द्र पौडेलया उम्मेदवारी लितकाःगु दु । थौं च्वंगु व्यवस्थापिका संसदय् जुइत्यंगु झिंन्हय्क्वःगु निर्वाचन स्वयां न्ह्यः पौडेलया प्रस्तावक कांग्रेस नेता शेरबहादुर देउवां सहमतिया सरकार गठनया निंतिं धासें पौडेलया उम्मेदवारी लितकोयगु घोषणा याःगु खः । उगु प्रस्तावयात संसदं सर्वसम्मतं पारित याःगु दु । पौडेलया उम्मेदवारी लित नापं प्रधानमन्त्री ल्ययेगु निंतिं न्हूगु प्रक्रियाया लँपु चाःगु दु ।