माओवादी न्वकु भट्टराई कन्हय् दिल्लीपाखे

एकीकृत नेकपा (माओवादी)या न्वकु डा. बाबुराम भट्टराई कन्हय् भारत झाइगु जूगु दु । भट्टराई छवाःदुने निक्वःगु खुसिइ भारत झायादीत्यंगु खः । अनुराधा गान्धी मेमोरियल लेक्चर नांया संस्थां ग्वसाः ग्वइगु 'नेपालय् न्हूगु ढाँचाया जनवादी लोकतन्त्रया यात्रा, सम्भावना व हाथ्या' विषयक ज्याझ्वलय् प्रमुख वत्तायारुपं प्रशिक्षण बिइत भट्टराई कन्हय् मुम्बई वनेत्यंगु वय्कःया स्वकिय छ्याञ्जे विश्वदीप पाण्डें जानकारी बियादिल ।

पाण्डेयाकथं भट्टराईं मुम्बई च्वनेगु झ्वलय् थीथी बामपन्थी नेतातलिसे नापलानादी । वय्कः माघ १ गते नेपाः देय् लिहाँ झायादी ।