निरर्थक निर्वाचनया अन्त्य जुइ : खनाल

नेकपा (एमाले)या नायः झलनाथ खनालं ताःहाकःगु इलंनिसें न्ह्यानाच्वंगु प्रधानमन्त्री निर्वाचनया निरर्थक प्रक्रिया थनिंनिसें क्वचाइगु धयादीगु दु ।

नेपाल प्रगतिशील प्राध्यापक सङ्गठनया च्याक्वःगु राष्ट्रिय सम्मेलनया बुधवाः किपुलिइ उलेज्या यानादिसें वय्कलं प्रधानमन्त्री निर्वाचन सम्बन्धय् न्ह्यानाच्वंगु निर्वाचन प्रक्रियां प्रधानमन्त्रीया निर्वाचनयात क्वःछि मफूगु कारण थौं उगु प्रक्रियाया अन्त्य यानाः न्हूगु प्रक्रियापाखे वनीगु जानकारी बियादिल ।

एमालें केन्द्रीय कमिटीया मुँज्यापाखें निर्णय यानाः प्रधानमन्त्रीया याकः उम्मेदवार रामचन्द्र पौडेलयात उम्मेदवारी लित कायेत इनाप यायेधुंकूगु धयादिसें वय्कलं पौडेलं उम्मेदवारी लित मकाःसा उम्मेदवारीया विपक्षय् मतदान यायेगु नापं धयादिल ।