पर्यटन प्रवर्द्धनया नितिं प्रदर्शनी

'पर्यटन प्रबर्द्धनया नितिं शिक्षा' धइगु नारालिसे साझा प्रकाशनं वइगु माघ ३ निसें १२ गतेतक्क येँय् बृहत् सफू प्रदर्शनी ग्वसाः ग्वइगु जूगु दु । राष्ट्रिय सभागृहलय् ग्वसाः ग्वइगु उगु प्रदर्शनीइ स्वद्वः व न्यासः निसें प्यद्वलं मल्याक थीथी विधाया सफू प्रदर्शनीइ तइगु साझा प्रकाशनं जानकारी ब्यूगु दु ।

प्रदर्शनीइ उपभोक्तां यःगु सफूत नं न्यायेफइगु जूगु दु । साझा प्रकाशन बाहेक पीछगू प्रकाशन गृहं प्रदर्शनीइ ब्वति काइगु प्रदर्शनीया संयोजक रुद्रप्रसाद न्यौपानें धयादिल । साझा प्रकाशनं २०४० सालनिसें हरेक दँ सफू प्रदर्शनी यानाः वयाच्वंगु दु ।