राउटेतय्त सितिकं स्वास्थ्य परिक्षण

नेपाःया अदवासी जनजातित मध्ये दक्ले ल्यूनेलानाच्वंगु नापं तनाः वनेत्यंगु जाति कथं नालातःगु राउटे जातिया मिजंपिं व मिसापिन्त वंगु छुं दिं न्ह्यः जक सितिकं स्वास्स्थ परिक्षण यायेगु ज्या जूगु दु । पश्चिम दाङया हापुरे धैगु थासय् अथे स्वास्थ्य परिक्षण यायेगु ज्या जूगु खः ।

अप्वः यानाः जंगलय् हे च्वनाः नयाः वयाच्वंपिं राउटे जातिया मिसापिं व मिजंपिं सार्वजनिक रुपं स्वास्थ्य उपचारया नितिं वःगु खनेवं अनया स्थानीय मनूत यक्व हे वयाः राउटेत स्वयेगु नापं इमित स्वास्थ्य परिक्षण याःगु तकं स्वयाः थवं थवय् राउटेतय्गु विषययात कयाः सहलह ब्याकेगु ज्या जूगु खः ।