राष्ट्रपतिया नामय् कारण देखाउ आदेश जारी
राष्ट्रपतिं प्रधानसेनाति रुक्मांगद कटवालयात पदय् बहाल जुयाच्वनेत निर्देशन ब्यूगुया कारण पेश यायेत सर्वोच्च अदालतं राष्ट्रपतिया सचिवालययात आदेश ब्यूगु दु ।
सरकारया निर्णयलय् राष्ट्रपतिं असंवैधानिक पलाः ल्ह्वंगु दाबी यासें दायर याःगु रिटया प्रारम्भीक सुनुवाइ लिपा न्यायाधीश बलराम केसीया इजलासं थंज्याःगु आदेश ब्यूगु खः ।
इन्हुरेड इन्टरनेशनलया पाखें दायर याःगु रिट निवेदनय् मंगलवाः निवेदकया पाखें जूगु बहस लिपाः अदालतं राष्ट्रपतिया ज्याकूयात झिन्हूयात दुने कारण देखाउ आदेश पेश यायेत आदेश ब्यूगु दु ।
इनहुरेडका तर्फपाखें विष्णु सुवेदी, रामकृष्ण काफ्ले व विदुर अधिकारीं सोमवाः सर्वोच्चय् रिट निवेदन दायर याःगु खः ।
संवैधानिक राष्ट्रपतिं संविधानविपरित प्रधानसेनापतियात थःगु पदय् च्वनाच्वनेत आदेश ब्यूगु धास सर्वत्र विरोध जुयाच्वंगु इलय् सर्वोच्चं कारण देखाउ आदेश जारी याःगु खः ।
