नक्कली अय्लाः मियाः वयाच्वंम्ह ज्वन

येँया कोटेश्वरस्थित महादेवस्थानया छगू पसलं नक्कली अय्लाः सहित छम्हेसित ज्वंगु दु । विशेष सूत्रया आधारय् कोटेश्वर व बानेश्वरया प्रहरीं उगु अय्लाः ज्वंगु खः । अय्लाः पसः लिक्कः लाःगु छगू क्वथां सलंसः नक्कली अय्लाः थौं न्हिनय् प्रहरीं ज्वंगु खः ।

महोत्तरीया ११ नं. वडाया मधुकुमार चौधरी नांया व्यापारीं उगु पसः न्ह्याका वयाच्वंगु खः । प्रहरीं छापामारे यानाः ज्वंगु अय्लाःया सलंसः बोटल नक्कली जूगु दाबी प्रहरीं याःगु दु । बजारय् नां जाःगु रोयल स्टेज, सिग्नेचर, भोट्का, जीन, खुकुरी रम आदि लेबल तिकाः उगु पसलें नक्कली अय्लाः मियाः वयाच्वंगु खः ।