काग्रेस व एमाले दथुइ सहमति

सत्तारुढ दल नेकपा (एमाले) व कांग्रेसया शीर्ष नेतात वर्तमान गठबन्धनयात हे निरन्तरता बीगु सहमत जूगु दु ।

एमाले पार्टी मू ज्याकू बल्खुइ थौं जूगु सहलहसं देय् तःधंगु संकटय् लायेत्यंगु लिच्वः पिकाःसें पंगः क्वचायेकेगु नितिं वर्तमान गठबन्धनयात हे अझ धिसिलाकाः यंकेगु सहमति जूगु कांग्रेस नेता अर्जुननरसिंह केसीं जानकारी बियादिल ।

थ्व स्वयाः न्ह्यः थौं च्वंगु एमाले स्थायी समिति मुज्यां प्रधानमन्त्रीया निंतिं जुयाच्वंगु निर्वाचन प्रक्रिया क्वचायेकाः सरकार नीस्वनेगु न्हूगु प्रक्रिया न्ह्याकेमाःगु निर्णय याःगु खः ।

कन्हय् हाकनं स्थायी समितिया मुँज्यां निर्णय यायेगु खँ एमालेया छ्याञ्जे नापं सूचना व सञ्चारमन्त्री शंकर पोखरेलं जानकारी बियादिल ।