न्हूगु सरकार गठन यायेत राष्ट्रपतिया इनाप

प्रधानमन्त्रीया पदं एकीकृत नेकपा (माओवादी)या अध्यक्ष पुष्पकमल दाहाल प्रचण्डं राजीनामा बिधुंकाः आः न्हूगु सरकार गठन यायेत राष्ट्रपति डा. रामवरण यादव इनाप याःगु दु ।

मंगलवाः न्हिनय् राष्ट्रपतिया ज्याकूथीं छगू विज्ञप्ति जारी यासें राष्ट्रपति यादवं सहमतिया आधारय् प्रधानमन्त्रीया अध्यक्षताय् मन्त्री परिषद् गठन यायेत व्यवस्थापिका संसदय् प्रतिनिधित्व याईपिं राजनीतिक दलतय्त इनाप याःगु दु ।

विज्ञप्ति नेपालया अन्तरिम संविधान २०६३या धारा ३८या उपधारा (१) बमोजिम २०६६ वैशाष २६ दुने राजनीतिक सहमतिया आधारय् सरकार गठन यायेत इनाप यानातःगु दु ।