येँ एमालेय् ओली पक्षया विवाद
येँ (सन्ध्या टाइम्स)/एमालेया येँ जिल्ला अधिवेशनया झ्वलय् थौं जुइगु चुनाव न्ह्यः हे वरिष्ठ नेता केपी शर्मा ओली पक्षय् विवाद जुयाः निम्ह ब्यागलं ब्यागलं हे अध्यक्ष पदया उम्मेदवार पिहां वःगु दु ।
ओली पक्षया निर्मल कुइँकेल व किरण शर्मा अध्यक्ष पदया नितिं उम्मेदवार जुयादीगु दु। अथे हे एमाले अध्यक्ष झलनाथ खनाल पक्षधरं लालबहादुर तामाङ उम्मेदवार जुयादीगु दुसा ईश्वर पोखरेलया पक्षधर जुयाः विदुर मैनाली नं जिल्लाया अध्यक्ष पदय् उम्मेदवार जुयादीगु दु। वंगु शुक्रवाःनिसें न्ह्याःगु न्याक्वःगु येँ जिल्लाया अधिवेशनया झ्वलय् थौं सनिलंनिसें राष्ट्रिय सभागृहय् निर्वाचन जुइगु ज्याझ्वः दु ।
