कपिलवस्तुइ चिकुयाः स्वम्ह सित

येँ (सन्ध्या टाइम्स)/तसकं चिकुयाः कपिलबस्तुइ थौं जक हे स्वम्ह मनू सीगु दु ।

शहोखोर गाविस २ या ६४ दँ दुम्ह सावित्रीदेवी पाण्डे, ५५ दँया बुझावन उपाध्याय व ७० दँ दुम्ह कैलाशी मैया चिकुयाः सीगु खँ प्रहरीं धाःगु दु। तसकं ख्वाउँसे च्वंगुलिं कपिलबस्तुइ निन्हुया दुने हे सीपिनिगु ल्याः न्याम्ह थ्यंगु दु। इपिं ख्वाउँया विरामी जुइधुंकाः उपचारया झ्वलय् सीगु खः। तसकं ख्वाउँसे च्वंगुलिं अप्वः यानाः मस्त व ज्याथ-जिथिपिं प्रभावित जुयाच्वंगु नापं सासः ल्हायेगुली नं समस्या ब्वलनाच्वंगु खः ।