माओवादीं संदन अवरुद्ध याइगु

नकतिनि सरकारं पिहांवंगु एकीकृत नेकपा (माओवादीं) राष्ट्रपति डा. रामवरण यादवं थःगु निर्णय लित मकाः तल्ले सदन अवरुद्ध यायेगु निर्णय याःगु दु ।

मंगलवाः सुथय् च्वंगु माओवादी संविधानसभा दलया बैठकं राष्ट्रपितं संवैधानि 'कु' याःगु ठहर यासें मंगलवाः निसें व्यवस्थापिका संसदया बैठक अवरुद्ध यायेगु निर्णय याःगु दु । राष्ट्रपति यादवं जननिर्वाचित सरकारया निर्णयात अवमूल्यन यासें प्रधानसेनापतियात ज्याय् लिहांवये बीया संवैधानिक 'कु' याःगु ठहर याःगु खः ।

बैठकं राष्ट्रपितं नागरिक सर्वोच्चतायात बेवास्ता यासें संविधान विपरित ज्या याःगु धासें थ्व पलाःया विरुद्ध युवा संगठनतय्त परिचालन यायेगु नं निर्णय याःगु दु ।