सञ्चारकःमिया सम्वन्धय् न्ह्याबलें न्ववानाच्वनेगु : सभासद् धर्मशिला

क्रान्तिकारी पत्रकार संघ झापाया ग्वसालय् थौं सतासीधामय् प्रेस स्वतन्त्रता व नेपाल पत्रकार महासंघया भूमिका विषयक अन्तक्रिर्या लिसे गुँभ्वय् ज्याझ्वः क्वचाःगु दु । ज्याझ्वःया मू पाहाँ एकीकृत माओवादीया सभासद् धर्मशिला चापागाईं राजनीतिक दलं सञ्चारकःमिया सम्वन्धय् न्ह्याबलें न्ववानाच्वनेगु धयादीगु दु ।

वय्कलं पत्रकार व राजनीतिज्ञया स्वापू लुसि व लाया थें हे जूगु नं न्ह्यथनादीगु दु । संघया नायः तारामणी सापकोटाया सभापतित्वय् जूगु ज्याझ्वलय् पत्रकार महासंघ झापाया नायः मोहन काजी, अग्रज पत्रकार नकुल काजी, कृष्ण हुमागाई, विमल लामिछाने लगायतया वक्तां च्वसा विरोधी शक्ति अझ नं सक्रिय दुगु खँ न्ह्यःथनादिसें उकिया नितिं महासंघ न्ह्यःज्यायेमाःगु धयादीगु खः । ज्याझ्वलय् झापाया सच्छिम्ह स्वयाः आपालं सञ्चारकःमिपिनिगु ब्वति दुगु खः ।