महागुथि बहुउद्देश्यीय सहकारीया झिंछक्वःगु दँ मुँज्या क्वचाल
ज्यापु महागुथिपाखें न्ह्याका वयाच्वंगु महागुथि बहुउद्देश्यीय सहकारी संस्था लिमिटेडया झिंछक्वःगु दँ मुँज्या थौं येँय् जुल ।
सहकारी संस्थाया न्वकू मचाराजा महर्जनया सभाध्यक्षय् जूगु उगु ज्याझ्वलय् छ्यांजे मचाराजा महर्जनजुं संस्थाया ०६६/६७ या प्रगति प्रतिवेदन न्ह्यब्वयादीगु खःसा दांभरि बाबुराजा महर्जनं आर्थिक प्रतिवेदन न्ह्यब्वयादीगु खः । वय्कलं आर्थिक प्रतिवेदन न्ह्यब्वयादिसें देशय् ब्वलनाच्वंगु अस्थिरताया कारणं व्यापारिक औद्योगिक पर्यटन नापं विकास निर्माणया ज्या मजुयाः देय्या अर्थतन्त्रय् नकारात्मक प्रभाव लानाच्वंगुया असर थुगु संस्थायात नं लानाच्वंगु खँ धयादिल । संस्थाया थी थी बचत योजनापाखें ०६६/६७ तक खुगू करोड पीगू लख निद्वः व सच्छि व चय्च्यातका व चय्च्यागः धेबा दुगु नं कनादिल ।
संस्थाया दुजः पन्नाकाजी महर्जनं लसकुस यानादीगु उगु ज्याझ्वलय् सल्लाहकार प्रा।डा। नरेन्द्र महर्जन संस्थाया संरक्षक नापं ज्यापु महागुथि येँ महानगरया कार्यकारी नायः रामबहादुर डंगोल ज्यापु महागुथिया नायः विपेन्द्र महर्जनया उपस्थिति दुगु खः ।
