तमलोपा नेपालं सरकार मत्वःतीगु
येँ (सन्ध्या टाइम्स)/तमलोपा तज्यानाः न्हू गठन याःगु तमलोपा (नेपाल)या संयोजक नापं उद्योग मन्त्री महेन्द्र राय यादवं थःपिंसं सरकार त्वःतेगु जुइ मखु धयादीगु दु। वय्कलं दल विभाजन कानून सम्मत हे जूगुलिं वहे हैसियतं सरकारय् च्वनेगु जुइ धकाः दावी यानादीगु दु। पार्टी विभाजन यानादीम्ह यादव व मेम्ह उद्योग राज्यमन्त्री दानबहादुर चौधरीयात पदमुक्त यायेमाः धकाः संस्थापक तमलोपाया नेतातय्सं माग याना वयाच्वंगु दु। तमलोपां न्हूगु पार्टी तमलोपा नेपालया मन्त्रीतय्त कारवाही मयात धाःसा थःपिंसं हे सरकार त्वःतेगु जुइ धकाः नं ख्याच्वः बियाच्वंगु दु ।
