मनू क्यलेवं बस तोडफोड
येँ (सन्ध्या टाइम्स)/येँनं भ्वतपाखे वनाच्वंगु छगः बसं मनू क्यलेवं लँय् वयाच्वंपिं मनूतय्सं बस चालकयात दायाः बस नं तोडफेड याना बिउगु दु ।
म्हिगः सनिलय् बा. २ ख ६६७१ नम्बरया बसं कोटेश्वर तीनकुनेय् लाक्क लँय् वयाच्वंम्ह छम्ह मनूयात क्ययेकूगु खः। बस तसकं बेतोडं ब्वाका हःगुलिं मनू क्यःगु धासें खंपिं मनूतय्सं बसय् तोडफोड याःगु खः। गाडी तोडफोड यानाच्वंपिं पनेत प्रहरी हे परिचालन यायेमाःगु खः।थुकिं यानाः अन ताः ई हे यातायात नं जाम जुल ।
