जनसेनाया सहकमाण्डरपाखें बिद्यालययात कम्प्युटर लःल्हात

जनमुक्ति सेना नेपाःया न्हय्गूगु डिभिजन सहकमाण्डर जीवन बुढां कालिकोटया छगू बिद्यालययात कम्प्यूटर लःल्हाःगु दु । सशस्त्र द्वन्द्वया झ्वलय् अङ्गभङ्ग जुयाः सरकारपाखें दुगु राहत धेबापाखें कालिकोटया कुमाल गाँ विकास समितिइ दुगु रमा माध्यमिक बिद्यालययात कम्प्यूटर लःल्हाःगु खः ।

थौं छगू ज्याझ्वःया दथुइ बुढां थ्यंमथ्यं पीद्वः तका बराबरया छगः कम्प्यूटर, छगः प्रीन्टर व युपिएस लगायतया ज्वलंत लःल्हाःगु खः । सहकमाण्डर बुढां प्रशासनिक ज्या सहज जुइमाः धकाः बिद्यालययात ग्वाहालि यानागु जानकारी बियादिल ।