राष्ट्रिय स्वाधिनताया ल्वापु न्ह्यानाच्वंगु दु : प्रचण्ड
एकीकृत नेकपा (माओवादी)या नायः पुष्पकमल दाहाल 'प्रचण्डं' राष्ट्रिय स्वाधिनता व जनताया संघीय गणतन्त्रया नितिं ल्वापु न्ह्यानाच्वंगु धयादीगु दु । शहीद कृष्णसेन 'इच्छुक' प्रतिष्ठानपाखें येँय् ग्वसाः ग्वःगु जनयुद्धका संस्मरणहरु कृतिया उलेज्या लिसे इच्छुक डट ओआरजी वेबसाईटया उलेज्या यानादिसें वय्कलं राष्ट्रिय स्वाधिनता व जनताया संघीय गणतन्त्रया नितिं न्हूगु क्रान्तिया आवश्यकता महशुस यानाःगु धयादिल ।
राष्ट्रियता व जनगणतन्त्रया ल्वापु जीवनमरणया विषय जूगु स्पष्ट यानादिसें वय्कलं ल्वापु गबलें जंगल, पहाड व तराईलय् वा गबले शहरय् जुइगु जूगुलिं माओवादी थुकिइ प्रतिबद्ध दुगु न्ह्यथनादीगु खः । राष्ट्रिय स्वाधिनता व जनगणतन्त्रया पक्षधर व राष्ट्रिय आत्मसमर्पणवादीतदथुइ तीब्ररुपं ध्रुवीकरण जूगु वय्कःया धापू खः ।
ज्याझ्वलय् माओवादी बरिष्ठ न्वकु मोहन बैद्य किरणं नं माओवादीं आन्दोलनया निर्णय यायेधुंकूगु न्ह्यथनादिसें आः आन्दोलन मदीगु स्पष्ट यानादिल । वय्कलं राष्ट्रियता व जनगणतन्त्रया आन्दोलन नापनापं यंकेमाःगु खँय् बहः नापं बियादिल ।
