राष्ट्रपतिया सक्रियता अप्वल
राष्ट्रपति डा. रामवरण यादवं राजनैतिक नापलाये ज्यायात तिब्रता बियादीगु दु । संयुक्त राष्ट्रसंघीय राजनैतिक मिसन अनमिन प्रमुख करिन ल्यानग्रेनं नेपालय् राष्ट्रपति शासन, जनविद्रोह व सैनिक कूया ग्याःचिकु न्ह्यथनादिसें बुधबाः राष्ट्रसंघीय सुरक्षा परिषद्य् प्रतिबेदन पेश यायेवं वय्कःया सक्रियता अप्वःगु दु । वय्कलं थौं सनिलय् जक माओवादी नायः पुष्पकमल दाहाल प्रचण्ड व सभाध्यक्ष सुवास नेम्वाङलिसे नापलानाः दीगु खः ।
नापलाये ज्याय् अनमिन प्रमुखया धापुतिइ च्यूताः क्यंगु श्रोतया दाबी दु । वय्कलं नापलाये ज्याय् संसदया नियमित अधिबेशन व प्रधानमन्त्री निर्वाचनबारे नं च्यूताः प्वंकादीगु खः । राष्ट्रपति यादवं म्हिगः सनिलय् प्रधानमन्त्री माधवकुमार नेपाललिसे नापलानाः अनमिन प्रमुखया धापूप्रति च्यूताः प्वंकादीगु खः । वय्कलं थःगु लोकतान्त्रिक व्यवस्थाप्रतिया प्रतिबद्धताय् छु नं शंका मयायेत इनाप यानादीगु खः ।
