राष्ट्रपतिया निर्देशन गैर संवैधानिक जूगु मन्त्रिपरिषदया ठहर

मन्त्रिपरिषदया बैठकं प्रधानसेनापति रुक्मांग कटवालयात पदय् च्वनाच्वनेत राष्ट्रपतिं ब्यूगु निर्देशनयात गैर संवैधानिक जूगु धासें लितः कायेत इनाप याःगु दु ।

माओवादी मन्त्रीत जक दुथ्याःगु सोमवाःया मन्त्रिपरिषदया बैठकं राष्ट्रपतिं क्षेत्राधिकार पिनेवनाः पौ च्वःगु ठहर यासें राष्ट्रपतियात निर्देशन लितः कायेत इनाप याःगु खः ।

अथेहे एमाले व सदभावनाया मन्त्रीतय्सं ब्यूगु राजीनामा प्रधानमन्त्रीं स्विकृत याःगु खँ सरकारया प्रवत्ता कृष्णबहादुर महरां जानकारी बियादिल ।

सिंहदरवारय् च्वंगु बैठकं निवर्तमान गृहमन्त्री बामदेव गौतमं प्रस्तावया कथं सशस्त्रया आइजिपिइ सनत बस्नेत व राष्ट्रिय अनुसन्धानया आइजिपिइ अशोकदेव भट्टयात नियुक्ति याःगु दु । नापं नेपाल टेलिकमया महाप्रबन्धकय् विश्वनाथ गोयलयात सरकारं नियुक्त याःगु दु ।