तमलोपा सरकारपाखें पिहाँवंसें
सरकारपाखें चिलेगु विषयसं सहलह यायेत थौं तराई मधेश लोकतान्त्रिक पार्टी तमलोपाया केन्द्रीय कार्यसमितिया बैठक च्वनीगु जूगु दु । पार्टी विभाजनय् वंगु धयादिसें निम्ह मन्त्रीतय्त सरकारपाखें चीकेत सरकारयात इनाप याःबलय् प्रधानमन्त्रीं च्यूताः मक्यंगुलिं सरकारपाखें चिलेगु निर्णयलय् पार्टी थ्यंगु मू सचेतक वृजेशकुमार गुप्तां जानकारी बियादिल ।
पार्टीया सिफारिसय् सरकारय् दुपिंसं मेगु हे पार्टी नीस्वनेवं कारवाही मयायेगु पद्धति अःखः जूगु नं गुप्तां धयादीगु दु । तमलोपां प्रधानमन्त्री माधबकुमार नेपालयात वंगु बहनीतक्कया अल्टीमेटम ब्यूगु खः । थःगु पार्टीया सिफारिसयात वास्ता मयायेवं प्रधानमन्त्रीयात ग्वाहालि बियाः च्वनेमाः धायेगु छु नं आवश्यकता मदुगु नं वय्कःया धापू दु ।
थुगु विषयलय् थप सहलह यानाः ठोस निष्कर्षय् थ्यनेगु व सरकारय् दुपिं मन्त्रीतय्त लित सःतेत नं गुप्तां धयादिल । वर्तमान सत्ता गठबन्धनय् दुगु तराई मधेश लोकतान्त्रिक पार्टीया मन्त्रीतय्त थौं मंकाः रुपं राजीनामा बिइगु जूगु दु । सरकारय् च्वनाः पार्टी विभाजनय् वनीपिं मन्त्रीतय्त कार्बाहीया नितिं म्हिगःतक्क ब्यूगु ई सरकारं वास्ता मयायेवं तमलोपां सरकारपाखें चीलेगु निर्णय याःगु खः ।
