ज्ञानेन्द्रं 'ठीक यानाछ्व' धाःपिं नेतात सु सु खः?
येँ (सन्ध्या टाइम्स)/दरवारया पुलांम्ह सैनिक सचिव विवेक शाहया सफुलिइ छगू थासय् च्वयातःगु दु � देशय् राजनीतिक समस्या समाधान याये मफयाः तत्कालिन जुजु ज्ञानेन्द्रं वय्कःयात धाःगु जुयाच्वन आः समस्या समाधान यायेगु लागिं माओवादीया छुं छुं नेता व एमाले कांग्रेसया छुं नेतातय्त ठीक यानाछ्व ।
सफुलिइ ठीक यायेमाःपिं नेतात सु सु खः धइगु खँ धाःसा च्वयातःगु मदु। थुकिं यानाः ज्ञानेन्द्रं 'ठीक यानाछ्व' धाःपिं थ्व नेतात सु सु खः धइगु न्ह्यसः पिहां वःगु दु। सूत्रया कथं वय्कलं सफू च्वःबलय् थ्व मनूतय् नां नं च्वयादीगु खःसां लिपा संपादनया झ्वलय् लिकयाछ्वःगु खः ।
थ्वहे झ्वलय् मेखे पूर्व सैनिक सचिव शाहया सफूपाखें तम्वःपिं पत्रकारतय्सं धाःसा वय्कःया मेमेगु पक्ष उजागर याइ कथंया खँ पित हःगु दु। सूत्रं धाः कथं वय्कः सचिव जुयाच्वंगु इलय् सुथय् सुथय् मर्निङ वाक वनेगु धकाः पिने मेपिं मिस्तय्थाय् वनीगु जुयाच्वन। छक्वः वय्कलं छम्ह मिसाया छेँय् थःगु भित्री गंजि हे ल्वःमंकाः त्वःता थकूगु खँ आः वयाः पिहां वःगु दु ।
म्हिगः शाहया सफूयात कयाः अन्न्नपूर्ण होटलय् छगू अन्तर्क्रिया जूगु खः। उगु ज्याझ्वलय् वःम्ह पूर्व रथी बालानन्द शर्मा सफुलिइ थःगु नं नां दु धइगु सीसातकि जुरुक्क दनावंगु खः ।
