ज्याक्सन सीगुलिइ चिकित्सक दोषी
लस एन्जेलस (एएफपी)
थःगु जमानाय् पप संगीतया एकछत्र बादशाह माइकल ज्याक्सनया सन् २००९ जुन २५ या दिं सीगुया छुं ला लिपा वय्कःया अबुं ज्याक्सन सीगुलिइ चिकित्साकःमिपिनिगु दोष दुगु दाबीलिसे मुद्दा ल्वानाः वयाच्वंगुलिइ गबलें बुनाच्वंगु दुसा गबलें बदर जुयाः लस एन्जेल्सया उच्च अदालतय् थौंकन्हय् थ्यंक वःगु दु । लस एन्जेल्स उच्च अदालतय् मंगलवाः उगु मुद्दाया प्रारम्भिक सुनुवाई लिपा अदालतं ज्याक्सनया तत्कालिन चिकित्सक डा. कोन्राड मुर्रेया लापर्बाहीं माइकल ज्याक्सन सीगु दाबी यायेत स्वःगु दु ।
डाक्टर मुर्रें मदुम्ह ज्याक्सन लिपांगु शैयाय् दुगु इलय् वासः यायेगु ज्या लिबाकूगुलिं चिकित्साकःमिपिंत परिचालन यायेत व यथोचित आदेश बिइत उदासिन दुगु व थः हे नं मेपिंलिसे फोनय् ताःईतक्क खँल्हानाः च्वंगुलिं लिपांगु इलय् बिइमाःगु चिकित्सा सेवा बिइत च्यूत दुगु दाबी यानाः ज्याक्सनया अबुं ब्यूगु मुद्दा मंगलवाः सुनुवाई जुयाः ज्याक्सनया मां क्याथरिन, तता ला - टोया व किजा ज्याकी नापं मंगलवाः ताःहाकःगु ईतक्क अदालतय् हे ब्वति दुगु खः । चिकित्सक डाक्टर मुर्रेयात स्याःगु द्वपं बिइगु उगु मुद्दाय् थ्यंमथ्यं स्वीन्याम्ह साक्षीपिनिगु बयान कयाच्वंगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
