कोइराला-बेलायती राजदूत दथुइ खँल्हाबंला

नेपाःया निंतिं बेलायती राजदूत जोन टक्टन व नेपाली कांग्रेसया सभापति सुशील कोइराला दथुइ थौं नापलाये ज्या जूगु दु । सभापति कोइराला निवास महाराजगञ्जय् जूगु सहलहसं शान्ति प्रक्रिया व देय्या वर्तमान अवस्था बारे खँल्हाबल्हा जूगु खः ।

नापलाय् ज्याय् राजदूत जोन टक्टनं संयुक्त राष्ट्रसङ्घीय मिसन अनमिन पिहाँवनेधुंकाः शान्ति प्रक्रियाया अवस्थाबारे सभापति कोइरालालिसे च्यूताः प्वंकूगु खः । नापलाये ज्याधुंकाः राजदूत टक्टनं अनमिन पिहांवनेधुंकाः माओवादी जनसेना समायोजन लिसे पुनःस्थापना लगायत शान्ति प्रक्रियायाबारे सहलह जूगु जानकारी बियादिल ।