प्रधानमन्त्रीलिसे प्रचण्डया च्यूताः, छाय् माल ल्वाभः ?

एकीकृत नेकपा माओवादीं सरकारं अनमिनया अनुगमनय् दुगु ल्वाभः फ्वंगुप्रति च्यूताः प्वंकूगु दु । प्रधानमन्त्री माधबकुमार नेपाललिसेया नापलाये ज्याय् माओवादी नायः पुष्पकमल दाहाल 'प्रचण्डं' सरकारं अनमिनयात पौ छ्वयाः ल्वाभः लगायतया ज्वलं फ्वंगुप्रति च्यूताः प्वंकूगु खः ।

दलतलिसे सहलह मयासे सरकारं छगूतर्फीरुपं अनमिनयात पौ छ्वया बिस्तृत शान्ति सम्झौता व सहमति अःखः ज्या याःगु धयादिसें प्रचण्डं च्यूताः क्यंगु वय्कःया स्वकीय छ्याञ्जे समिर दाहालं जानकारी बियादीगु खः । प्रधानमन्त्रीया ज्याकू सिंहदरबारय् जूगु नापलाये ज्याय् वय्कःपिंदथुइ राजनीतिक पंगः क्वचायेकेगु, प्रधानमन्त्री निर्बाचन लगायत विषयसं नं सहलह जूगु जानकारी ब्यूगु दु ।