कार्यदलय् सहमति जूगु १२७ बुँदा अनुमोदित

संविधानसभाय् प्रतिनिधित्व याइगु नीच्यागू दलया बैठकं न्हूगु संविधान च्वयेगुलिइ उच्चस्तरीय राजनीतिक कार्यदलं सहमति याःगु फुक्क विषय अनुमोदन याःगु दु । सिंहदरबारय् थौं च्वंगु दलतय्गु मंकाः बैठकं कार्यदलय् सहमति जूगु फुक्क सच्छि व नीन्हय्गू बुँदायात अनुमोदन याःगु कांग्रेस नेता रमेश लेखकं जानकारी बियादीगु दु ।

बैठकं चीधंगु दलतय्त थःपिनिगु ब्यागलं मत लिखितरुपं तयेत नापं इनाप याःगु दु । थौंया बैठकय् ल्यं दुगु च्यय्स्वंगू बुँदाय् नं सहलह जूगु कांग्रेस नेता लेखकं जानकारी बियादीगु दु । न्हूगु संविधानया नां व प्रस्तावनाया कचवं कन्हय्या बैठकय् क्वःछीगु वय्कलं विश्वास प्वंकादीगु दु ।