सरकारं ल्वाभः फ्वंगुप्रति माओवादीया च्यूताः

एकीकृत नेकपा माओवादीं सरकारं अनमिनया अनुगमनय् दुगु ल्वाभः फ्वंगुप्रति च्यूताः प्वंकूगु दु । प्रधानमन्त्री माधबकुमार नेपालयात थौं सुथय् नापलानाः माओवादी नायः पुष्पकमल दाहाल 'प्रचण्डं' सरकारं अनमिनयात पौ छ्वयाः ल्वाभः लगायतया ज्वलंत फ्वंगुप्रति च्यूताः प्वंकादीगु खः ।

दलतलिसे सहलह हे मयाःसे सरकारं छगूतर्फीरुपं अनमिनयात पौ छ्वयाः बिस्तृत शान्ति सम्झौता व सहमति अःखः ज्या याःगु धयादिसें प्रचण्डं च्यूताः प्वंकूगु वय्कःया स्वकीय छ्याञ्जे समिर दाहालं जानकारी बियादीगु खः । प्रधानमन्त्रीया ज्याकू सिंहदरबारय् जूगु नापलाये ज्याय् वय्कःपिं दथुइ राजनीतिक पंगः क्वचायेकेगु, प्रधानमन्त्री निर्बाचन लगायत विषयसं नं सहलह जूगु जानकारी ब्यूगु दु ।