नवलपरासीया किसानतय् आन्दोलन जारी
येँ (सन्ध्या टाइम्स)/सरकारं क्वःछिउगु तुया भाःयात थःपिंसं स्वीकार यायेगु जुइ मखु धासें नवलपरासीया तुया खेती याइपिं किसानतय्सं आन्दोलन मदिकीगु जूगु दु। नवलपरासीया किसानतय्सं प्रति क्वीन्टल तुया भाः ५७० तका कायम यायेमाः धकाः माग यानाः आन्दोलन यानाच्वंगु दु ।
म्हिगः सरकारं प्रति क्वीन्टल तुया भाः ४०१ तका थ्यंकेवं सर्लाहीइ आन्दोलन यानाच्वंपिं किसानतय्सं धाःसा आन्दोलनया फुक्क ज्याझ्वः स्थगित याःगु खः ।
नवलपरासीया किसानतय्सं थौं सुथंनिसें अनया पूर्वपश्चिम राजमार्गया यातायात ठप्प यायेगु ज्याझ्वः घोषणा यानातःगु खः। अथे किसानतय्सं आन्दोलन याःगुलिं अनया चिनी मिलत नं बन्द जूगु दु ।
