प्वाथय् दयेका बिउगुलिं चक्का जाम

येँ (सन्ध्या टाइम्स)/छम्ह दलित मिसायात ब्राम्हण ल्याय्म्हं प्वाथय् दयेका बिउगु विरोधय् दलित व मिसा अधिकारवादी संघ संस्थातय्सं थौं उदयपुरया सदुरमुकाम गाइघाटय् सुथंनिसें चक्का जाम याना बिउगु दु। प्वाथय् दयेका बिउम्ह ब्राम्हण मिजंयात कारवाही यायेमाःगु माग यासें चक्का जाम याःगु खः। चक्का जामं यानाः अनया यातायात ठप्प जूगु दु। जिल्लाया पूर्वी गाविस बेल्टारया माडिबासया १८ दँ दुम्ह मिसायात गुला न्ह्यः प्वाथय् दयेकाः बेपत्ता जूम्ह २१ दँया नुतन भट्टराई आः तक नं सम्पर्कविहिन जूगुलिं ज्वनाः कारवाही यायेमाःगु माग यानाः अन चक्का जाम याःगु खः ।