ट्यांकरं ठक्कर नकाः प्रहरी जवान सित

येँ (सन्ध्या टाइम्स)/येँया प्रदर्शनीमार्ग लागाय् ट्यांकरं ठक्कर नकाः थौं सुथय् छम्ह प्रहरी जवान सीगु दु। बा. १ ख १३९ नम्बरया त्वनेगु लः ल्ह्यइगु ट्यांकरं ठक्कर नकाः प्रहरी जवान सानुभाई खत्री सीगु खः। खत्री बीर अस्पतालय् वासः यायां हे सीगु खः। उगु दुर्घटनाय् लानाः मोटरसाइकलया लिउने च्वनावःम्ह प्रहरी हवल्दार रहर तामाङ गम्भीर घाःपाः जूगु दु। ट्यांकरया चालक व सह चालकयात प्रहरीं ज्वंगु दु ।