सकसितं फोरमया प्रतिक्षा
प्रधानसेनापति रुक्मांगद कटवालयात कारवाही यायेधुंकाः सरकारय् दुपिं व मदुपिं फुक्क हे राजनीतिक पार्टीत ध्रुवीकरण जुइधुंकाः नं संविधानसभाय् प्यंगूगु तःधंगु पार्टी जुयाच्वंगु मधेशी जनअधिकार फोरमं धाःसा आः तक थःगु निर्णय पित बिउगु मदुनि । प्रधानसेनापतियात कारवाही यायेत सःतूगु क्याबिनेटय् फोरमं नोट अफ डिसेन्ट च्वःगु खःसां थुकिया विरुद्ध थःपिं सरकारं पिहां वयेगु वा च्वनाच्वनेगु धइगु बारे धाःसा फोरमं छुं निर्णय मयाःनि । फोरम अध्यक्ष उपेन्द्र यादव विदेश वनाच्वंगुलिं पार्टीं निर्णय याये मफुनि धकाः सुम्क च्वनाच्वंगु दुसां नेता जयप्रकाश गुप्तां धाःसा कटवालयात कारवाहीया लसकुस व राष्ट्रपतिया पलाःयात विरोध यायेधुंकूगु दु ।
संविधानसभाय् ५३ सिट दुगु फोरमं यदि साथ बिल धाःसा माओवादी सरकार अझ नं बचे जुइगु सम्भावना दनि । उकिं सकलें फोरमया निर्णय पियाच्वंगु दु ।
